പാലക്കാട് ഗവൺമെൻ്റ് മെഡിക്കൽ കോളേജിൽ വിദ്യാർഥിയെ തൂങ്ങിമരിച്ച നിലയിൽ കണ്ടെത്തി. രണ്ടാം വർഷ എംബിബിഎസ് വിദ്യാർഥി വിഷ്ണുവിനെയാണ് ഹോസ്‌റ്റൽ മുറിയിൽ മരിച്ച നിലയിൽ കണ്ടെത്തിയത്. 21 വയസായിരുന്ന വിഷ്ണു കൊല്ലം പെരിങ്ങാട് സ്വദേശിയാണ്. ചൊവ്വാഴ്ച രാത്രി 11.30 നാണ് സംഭവം.
വിഷ്ണു സുഹൃത്തുക്കളായ രണ്ട് പേർക്കൊപ്പമാണ് ഹോസ്‌റ്റൽ മുറിയിൽ താമസിച്ചിരുന്നത്. സുഹൃത്തുക്കൾ ഭക്ഷണം കഴിച്ച് മടങ്ങിയെത്തിയപ്പോൾ മുറി അകത്തുനിന്ന് പൂട്ടിയ നിലയിലായിരുന്നു. ഒട്ടേറെ തവണ വിളിച്ചിട്ടും വാതിൽ തുറക്കാതെ വന്നതോടെ വാതിൽ പൊളിച്ച് അകത്തുകയറിയപ്പോഴാണ് ഫാനിൽ തൂങ്ങിയ നിലയിൽ കണ്ടത്.ഉടൻ തന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
കുറച്ചു ദിവസങ്ങളായി വിഷ്ണു മാനസിക വിഷമത്തിലായിരുവെന്ന് സുഹൃത്തുക്കൾ പറത്തു. മൃതദേഹം പാലക്കാട് ജില്ലാ ആശുപത്രി മോർച്ചറിയിലാണ്. പാലക്കാട് ടൗൺ സൗത്ത് പൊലീസ് തുടർനടപടികൾ സ്വീകരിച്ചു.