ചെന്നൈ: പീഡന പരാതിയില്‍ പ്രതിയായ നടന്‍ ഷിയാസ് കരീം പോലീസ് പിടിയില്‍. ഗള്‍ഫില്‍ നിന്നും ചെന്നൈ വിമാനത്താവളത്തില്‍ ഇറങ്ങുമ്പോഴാണ് ഷിയാസ് കരീമിനെ പിടികൂടിയത്. പരാതിയുടെ അടിസ്ഥാനത്തില്‍ ഷിയാസ് കരീമിനെതിരെ ലുക്ക് ഔട്ട് നോട്ടീസ് ഉള്ളതിനാല്‍ വിമാനത്താവളത്തിലെ എമിഗ്രേഷന്‍ ഉദ്യോഗസ്ഥര്‍ ഷിയാസിനെ തടഞ്ഞു വയ്ക്കുകയായിരുന്നു. തുടര്‍ന്ന് പൊലീസിനെ വിവരം അറിയിക്കുകയും ചെന്നൈ വിമാനത്താവളത്തിലെത്തി ഷിയാസിനെ കസ്റ്റഡിയിലെടുക്കുകയും ചെയ്തു.
നേരത്തെ ചന്ദേര പൊലീസ് സ്റ്റേഷന്റെ പരിധിയിലുള്ള സ്ത്രീയാണ് ഷിയാസ് കരീമിനെതിരെ പരാതി നല്‍കിയത്. വിവാഹ വാഗ്ദാനം നല്‍കി നിരവധി തവണ പീഡിപ്പിച്ചുവെന്നാണ് കാസര്‍കോട് സ്വദേശിനി പരാതി നല്‍കിയത്. 2021 ഏപ്രില്‍ മുതല്‍ പീഡനത്തിന് വിധേയമായെന്നാണ് പരാതിയില്‍ പറയുന്നത്. വിവാഹം കഴിക്കണമെന്ന് ആവശ്യപ്പെട്ടപ്പോള്‍ മര്‍ദ്ദിച്ചതായും യുവതിയുടെ പരാതിയിലുണ്ട്. മാത്രമല്ല ഷിയാസ് തന്നില്‍ നിന്ന് ലക്ഷങ്ങള്‍ തട്ടിയെടുത്തതായും നിലവില്‍ എറണാകുളത്ത് ജോലി ചെയ്യുന്ന പരാതിക്കാരി ആരോപണം ഉന്നയിക്കുന്നുണ്ട്.
