കാസര്‍കോട്: കാസര്‍കോട് ബദിയടുക്കയില്‍ സ്‌കൂള്‍ ബസും ഓട്ടോറിക്ഷയും കൂട്ടിയിടിച്ച് നാലുപേര്‍ മരിച്ചു. ഓട്ടോറിക്ഷാ യാത്രക്കാരാണ് മരിച്ച നാലുപേരും. ബദിയടുക്ക പള്ളത്തടുക്കയില്‍ ഇന്ന് വൈകിട്ടോടെയാണ് സംഭവം. യാത്രക്കാരായ മൂന്നു സ്ത്രീകളും ഓട്ടോ ഡ്രൈവറുമാണ് മരിച്ചത് എന്നാണ് വിവരം. ഓട്ടോറിക്ഷയുടെ ഒരുഭാഗം പൂര്‍ണമായും തകര്‍ന്നു. ഓട്ടോയിലുണ്ടായ മറ്റൊരാളുടെ നില ഗുരുതരമാണ്. സ്‌കൂള്‍ ബസ് കുട്ടികളെ വീടുകളില്‍ ഇറക്കി തിരിച്ചുവരുമ്പോഴാണ് അപകടത്തില്‍പ്പെടുന്നത്. ബസില്‍ കുട്ടികളില്ലാതിരുന്നത് വന്‍ അപകടം ഒഴിവാക്കി.
കാസര്‍കോട് വാഹനാപകടം; നാലുപേര്‍ക്ക് ദാരുണാന്ത്യം
