കു​വൈ​ത്ത്‌ സി​റ്റി: ഇ-​സി​ഗ​ര​റ്റി​നെ​തി​രെ ക​ർ​ശ​ന നി​യ​മം കൊ​ണ്ടു​വ​ര​ണ​മെ​ന്ന് പു​ക​വ​ലി​യും അ​ർ​ബു​ദ​വും ത​ട​യാ​ൻ ല​ക്ഷ്യ​മി​ട്ട് പ്ര​വ​ർ​ത്തി​ക്കു​ന്ന കൂ​ട്ടാ​യ്മ ആ​വ​ശ്യ​പ്പെ​ട്ടു. ‘പു​ക​യി​ല​യും ഇ​ല​ക്‌​ട്രോ​ണി​ക് പു​ക​വ​ലി​യും: അ​പ​ക​ട​ങ്ങ​ളും ദോ​ഷ​ങ്ങ​ളും’ എ​ന്ന ത​ല​ക്കെ​ട്ടി​ൽ സം​ഘ​ടി​പ്പി​ച്ച പ്ര​ഭാ​ഷ​ണ​ത്തി​നി​ടെ ഡോ. ​ഖാ​ലി​ദ് അ​ൽ സ​ലേ​ഹാ​ണ് ആ​വ​ശ്യം ഉ​ന്ന​യി​ച്ച​ത്. വ​ർ​ധി​ച്ച മ​ര​ണ​നി​ര​ക്കി​ലേ​ക്ക് ന​യി​ക്കു​ന്ന ആ​ഗോ​ള വെ​ല്ലു​വി​ളി​യാണ് പു​ക​വ​ലി​. പു​ക​വ​ലി​യു​മാ​യി ബ​ന്ധ​പ്പെ​ട്ട അസുഖങ്ങളാൽ പ്ര​തി​വ​ർ​ഷം ഏ​ക​ദേ​ശം എ​ട്ടു ദ​ശ​ല​ക്ഷം അ​കാ​ല​മ​ര​ണ​ങ്ങളാണ് സം​ഭ​വി​ക്കു​ന്നതെന്ന് അദ്ദേഹം വ്യ​ക്ത​മാ​ക്കി. കു​വൈ​ത്തി​ലെ 17നും 30​നും ഇ​ട​യി​ൽ പ്രാ​യ​മു​ള്ള​വ​രാ​ണ് പു​ക​വ​ലി ആ​രം​ഭി​ക്കു​ന്ന​ത്. പു​ക​വ​ലി​യു​ടെ വ്യാ​പ​ന​നി​ര​ക്ക് പു​രു​ഷ​ന്മാ​രി​ൽ 39.2 ശ​ത​മാ​ന​വും സ്ത്രീ​ക​ളി​ൽ 3.3 ശതമാനവുമാണെന്നും, പു​ക​വ​ലി​യും ശ്വാ​സ​കോ​ശ അ​ർ​ബു​ദ​വും ത​മ്മിലുള്ള വ്യത്യാസത്തെ കുറിച്ചും അദ്ദേഹം വിശദീകരിച്ചു. ഇ​ല​ക്ട്രോ​ണി​ക് പു​ക​വ​ലി സു​ര​ക്ഷി​ത​മാ​ണെ​ന്നത് തെ​റ്റി​ദ്ധാ​ര​ണയാണ്. ഇ​ല​ക്ട്രോ​ണി​ക് സ്മോ​ക്കി​ങ് ഉ​പ​ക​ര​ണ​ങ്ങ​ളി​ൽ വ്യ​ത്യ​സ്ത അ​ള​വി​ലു​ള്ള നി​ക്കോ​ട്ടി​ൻ അ​ട​ങ്ങി​യി​ട്ടു​ള്ളതിനാൽ കൂടുതൽ ആരോഗ്യ പ്രശ്നനങ്ങൾ വർധിക്കുമെന്നും, പുകവലി നിർത്തുന്നതുമായി ബന്ധപ്പെട്ട് കർശന നിയമം തന്നെ കൊണ്ടുവരണമെന്നും ഡോ. ​ഖാ​ലി​ദ് അ​ൽ സ​ലേ​ഹ് കൂട്ടിച്ചേർത്തു.