ദു​ബൈ: യു.​എ.​ഇ​യി​ൽ മ​നോ​രോ​ഗി​ക​ളെ ചി​കി​ത്സി​ക്കു​ന്ന​തിനും, പ​രി​ച​രി​ക്കു​ന്ന​തി​നും നി​യോ​ഗി​ക്ക​പ്പെ​ട്ട​വ​രി​ൽ​നി​ന്ന് രോ​ഗി​ക്ക് ഗു​രു​ത​ര​മാ​യ പ​രി​ക്കോ ശാ​രീ​രി​ക​വൈ​ക​ല്യ​മോ സംഭവിച്ചാൽ കർശന നടപടി ഉണ്ടാകും. മാ​ന​സി​കാ​രോ​ഗ്യ​ത്തെ​ക്കു​റി​ച്ച് 2023ൽ ​അ​വ​ത​രി​പ്പി​ച്ച ഫെ​ഡ​റ​ൽ നി​യ​മ​ത്തി​ലാ​ണ്​ ഇ​ക്കാ​ര്യം വ്യ​ക്ത​മാ​ക്കു​ന്ന​ത്. ഈ പുതിയ നിയമം മേ​യ്​ 30ന്​ ​നി​യ​മം പ്രാ​ബ​ല്യ​ത്തി​ൽ വ​രുമെന്നാണ് അറിയിപ്പ്.
അതേസമയം മ​നോ​രോ​ഗി​ക​ളോട് മോ​ശ​മാ​യ പെ​രു​മാ​റ്റ​മോ അ​ശ്ര​ദ്ധ​യോ ഉ​ണ്ടാ​യാ​ൽ ര​ണ്ടു​ ല​ക്ഷം ദി​ർ​ഹം വ​രെ പി​ഴ​യും കു​റ​ഞ്ഞ​ത് ഒ​രു വ​ർ​ഷ​ത്തെ ത​ട​വും ലഭിക്കുന്നതാണ്. മനോ​രോ​ഗി​കളെ പ​രി​ച​രി​ക്കു​ന്ന​യാ​ളി​ൽ​നി​ന്ന്​ മ​ന​പ്പൂ​ർ​വ​മാ​യ വീ​ഴ്ച സം​ഭ​വി​ച്ച​താ​യി ക​ണ്ടെ​ത്തി​യാ​ലും ഒ​രു വ​ർ​ഷം ത​ട​വും പ​ര​മാ​വ​ധി ഒ​രു ല​ക്ഷം ദി​ർ​ഹം പി​ഴ​യും ല​ഭി​ക്കും. കൂടാതെ പ​രി​ച​രി​ക്കു​ന്ന​വ​രു​ടെ അ​ശ്ര​ദ്ധ​മൂ​ലം രോ​ഗി​ക്ക്​ ഗു​രു​ത​ര പ​രി​ക്കേ​ൽ​ക്കു​ക​യോ അം​ഗ​വൈ​ക​ല്യം സം​ഭ​വി​ക്കു​ക​യോ ചെ​യ്താ​ൽ ഒ​രു വ​ർ​ഷം ത​ട​വോ ഒ​രു ല​ക്ഷ​ത്തി​നും ര​ണ്ടു​ ല​ക്ഷ​ത്തി​നും ഇ​ട​യി​ൽ പി​ഴ​യും കു​റ്റ​കൃ​ത്യം ആ​വ​ർ​ത്തി​ച്ചാ​ൽ പി​ഴ ഇ​ര​ട്ടി​യാ​ക്കുന്നതുമാണ്.