ചെങ്ങന്നൂരിൽ സ്‌കൂള്‍ ബസിന് തീപിടിച്ചു. വിദ്യാര്‍ഥികളുമായി പോയ ബസിനാണ് തീപിടിച്ചത്. ഇന്ന് രാവിലെ 8.45നാണ് സംഭവം. ആല ഗവ. ഹയര്‍സെക്കന്‍ഡറി സ്‌കൂളിന് സമീപം വെച്ചാണ് മാന്നാര്‍ ഭൂവനേശ്വരി സ്‌കൂളിന്റെ ബസിന് തീ പിടിച്ചത്. ബസിന്റെ മുൻവശത്ത് നിന്ന് പുക ഉയരുന്നത് കണ്ടതിനെ തുടർന്ന് ഡ്രൈവര്‍ വാഹനം നിര്‍ത്തി കുട്ടികളെ പുറത്തിറക്കിയതിനാൽ വൻ ദുരന്തം ഒഴിവായി. 17 കുട്ടികളാണ് അപകട സമയത്ത് വാഹനത്തിൽ ഉണ്ടായിരുന്നത്. ബസ് പൂർണമായും കത്തി നശിച്ചു.
കുട്ടികളെല്ലാം സുരക്ഷിതരാണ്. അതേസമയം തീപിടുത്തത്തിന്റെ കാരണം വ്യക്തമല്ല.
ചെങ്ങന്നൂരിൽ സ്‌കൂള്‍ ബസിന് തീപിടിച്ചു; കുട്ടികൾ സുരക്ഷിതർ
