ഞാൻ മരിച്ചിട്ടില്ല ജീവനോടെയുണ്ടെന്ന് നടിയും മോഡലുമായ പൂനം പാണ്ഡേ. ഔദ്യോഗിക ഇന്‍സ്റ്റഗ്രാം അക്കൗണ്ട് വഴിയാണ് പൂനം ഇക്കാര്യം അറിയിച്ചത്. താന്‍ മരണപ്പെട്ടിട്ടില്ലെന്നും തന്റെ മരണവാര്‍ത്ത പ്രചരിപ്പിച്ചത് സെര്‍വിക്കല്‍ കാന്‍സറിന്റെ ബോധവത്ക്കരണത്തിനായാണെന്നും നടി അറിയിച്ചു.
‘ഞാന്‍ ജീവിച്ചിരിപ്പുണ്ട്, മരിച്ചിട്ടില്ല. എന്നെ സെര്‍വിക്കല്‍ ക്യാന്‍സര്‍ ബാധിച്ചിട്ടില്ല. പക്ഷേ ഈ രോഗത്തെ എങ്ങനെ നേരിടാം എന്നതിനെക്കുറിച്ച് അറിവില്ലാത്തതിനാല്‍ ആയിരക്കണക്കിന് സ്ത്രീകളുടെ ജീവന്‍ അത് അപഹരിച്ചിട്ടുണ്ട്. മറ്റ് അര്‍ബുദരോഗങ്ങളെ പോലെയല്ല, സെര്‍വിക്കല്‍ ക്യാന്‍സര്‍ പൂര്‍ണ്ണമായും തടയാവുന്നതാണ്. രോഗം നേരത്തെ തിരിച്ചറിയുന്നതിലൂടെയും വാക്‌സിനിലൂടെയും സെര്‍വിക്കല്‍ കാന്‍സറിനെ ചെറുക്കാനാവും. ഈ അവബോധം സൃഷ്ടിക്കാനാണ് ഇത്തരമൊരു വാര്‍ത്ത പ്രചരിപ്പിച്ചതെന്നാണ് പൂനം പാണ്ഡെയുടെ വിശദീകരണം.