ദു​ബൈ: ദു​ബൈ വി​മാ​ന​ത്താ​വ​ള​ത്തി​ന്‍റെ പേ​രി​ൽ വ്യാ​ജ സ​മൂ​ഹ​മാ​ധ്യ​മ അ​ക്കൗ​ണ്ട്​ ഉ​ണ്ടാ​ക്കി​​ ത​ട്ടി​പ്പു​കാ​ർ രംഗത്ത്. യാ​ത്ര​ക്കാ​ർ മ​റ​ന്നു​വെ​ച്ച ല​ഗേ​ജു​ക​ൾ ചെ​റി​യ വി​ല​ക്ക്​ സ്വ​ന്ത​മാ​ക്കാ​ൻ അ​വ​സ​ര​മെ​ന്ന്​ പ​ര​സ്യ​പ്പെ​ടു​ത്തിയാണ് ത​ട്ടി​പ്പ് നടത്തുന്നത്. എ​യ​ർ​പോ​ർ​ട്ട്​ വെ​യ​ർ​ഹൗ​സ്​ കാ​ലി​യാ​ക്കു​ന്ന​തി​ന്‍റെ ഭാ​ഗ​മാ​യാ​ണ്​ വി​ൽ​പ​നയെന്നും, ഒ​രു ല​ഗേ​ജ്​ സ്വ​ന്ത​മാ​ക്കണമെങ്കിൽ എ​ട്ടു ദി​ർ​​ഹം നൽകിയാൽ മതിയെന്നും, താ​ൽ​പ​ര്യ​മു​ള്ള​വ​ർ പോ​സ്റ്റി​നൊ​പ്പം ന​ൽ​കി​യ ലി​ങ്കി​ൽ ക്ലി​ക്ക്​ ചെ​യ്ത്​ വെ​ബ്​​സൈ​റ്റ്​ സ​ന്ദ​ർ​ശി​ക്ക​ണ​മെ​ന്നുമാണ് ​തട്ടിപ്പുകാർ ആ​വ​ശ്യ​പ്പെ​ടു​ന്ന​ത്. ല​ഗേ​ജു​ക​ൾ ഒ​രു​മി​ച്ചു കൂ​ട്ടി​വെ​ച്ച ഒ​രു ചി​ത്ര​വും പോ​സ്റ്റി​നൊ​പ്പം പ​ങ്കു​വെ​ച്ചി​ട്ടു​ണ്ട്.
ത​ട്ടി​പ്പ്​ ശ്ര​ദ്ധ​യി​ൽ​പെ​ട്ട ദു​ബൈ വി​മാ​ന​ത്താ​വ​ള അ​ധി​കൃ​ത​ർ ഇ​ക്കാ​ര്യ​ത്തി​ൽ മു​ന്ന​റി​യി​പ്പു​മാ​യി രം​ഗ​ത്തെ​ത്തി. ഫേ​സ്​​ബു​ക്കി​ലും ഇ​ൻ​സ്റ്റ​ഗ്രാ​മി​ലും വ്യാ​ജ ല​ഗേ​ജ്​ വി​ൽ​പ​ന പ​ര​സ്യം ശ്ര​ദ്ധ​യിൽ ​പെ​ട്ടി​ട്ടുള്ളതിനാൽ വ്യാ​ജ പ്രൊ​ഫൈ​ലു​ക​ളി​ൽ നി​ന്നു വ​രു​ന്ന സ​ന്ദേ​ശ​ങ്ങ​ൾ സ്വീ​ക​രി​ക്ക​രു​തെന്ന്​ ദു​ബൈ അ​ന്താ​രാ​ഷ്​​ട്ര വി​മാ​ന​ത്താ​വ​ളം ഔ​ദ്യോ​ഗി​ക സ​മൂ​ഹ​മാ​ധ്യ​മ അ​ക്കൗ​ണ്ടു​ക​ൾ വ​ഴി അ​റി​യി​ച്ചു. ലി​ങ്കി​ൽ ക്ലി​ക്ക്​ ചെ​യ്യു​ന്ന​വ​രു​ടെ വി​വ​ര​ങ്ങ​ൾ കൈ​ക്ക​ലാ​ക്കു​ക​യും പ​ണം ത​ട്ടു​ക​യു​മാ​ണ്​ പോ​സ്റ്റി​ന്​ പി​ന്നി​ലു​ള്ള​വ​രു​ടെ ല​ക്ഷ്യ​മെ​ന്നും, നേ​ര​ത്തേ ക്വാ​ലാ​ലം​പു​ർ വി​മാ​ന​ത്താ​വ​ള​ത്തി​ന്‍റെ പേ​രി​ലും സ​മാ​ന​മാ​യ ത​ട്ടി​പ്പ്​ സ​മൂ​ഹ​മാ​ധ്യ​മ​ങ്ങ​ളി​ൽ പ്ര​ത്യ​ക്ഷ​പ്പെ​ട്ടി​രു​ന്നുവെന്നുമാണ് കണ്ടെത്തൽ.
ദു​ബൈ വി​മാ​ന​ത്താ​വ​ളം വ​ഴി ല​ക്ഷ​ക്ക​ണ​ക്കി​ന്​ ല​ഗേ​ജു​ക​ൾ ഓ​രോ മാ​സ​വും ക​ട​ന്നു​പോ​കു​ന്നു​ണ്ടെ​ങ്കി​ലും ന​ഷ്ട​​പ്പെ​ടു​ന്ന​ത്​ വ​ള​രെ വി​ര​ള​മാ​ണ്. ദു​ബൈ എ​യ​ർ​പോ​ർ​ട്ടി​ൽ ല​ഗേ​ജ്​ ന​ഷ്ട​പ്പെ​ട്ടാ​ൽ, അ​വ വീ​ണ്ടെ​ടു​ക്കാ​ൻ നി​ര​വ​ധി മാ​ർ​ഗ​ങ്ങ​ളു​ണ്ട്. 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന 042245383 എ​ന്ന ന​മ്പ​റി​ൽ വി​ളി​ച്ചും അ​ല്ലെ​ങ്കി​ൽ പൊ​തു ന​മ്പ​റാ​യ 042245555 എ​ന്ന ന​മ്പ​റി​ൽ വി​ളി​ച്ചും ന​ഷ്ട​പ്പെ​ട്ട കാ​ര്യം അ​റി​യി​ക്കാം. ദു​ബൈ വി​മാ​ന​ത്താ​വ​ള​ത്തി​ലെ 1, 3 ടെ​ർ​മി​ന​ലു​ക​ളി​ൽ ലോ​സ്റ്റ്​ ആ​ൻ​ഡ്​ ഫൗ​ണ്ട്​ ഓ​ഫി​സും ഈ സൗകര്യത്തിനായി പ്ര​വ​ർ​ത്തി​ക്കു​ന്നു​ണ്ട്.