ദോ​ഹ: ഓ​ൺ​ലൈ​ൻ ഡെ​ലി​വ​റി​ക്കാ​യി അ​തി​വേ​ഗ​ത്തി​ൽ കു​തി​ച്ചു​പാ​യു​ന്ന ബൈ​ക്ക് യാ​ത്ര​ക്കാ​ർ ഇ​നി​യൊ​ന്ന് ശ്ര​ദ്ധി​ച്ചാ​ൽ ന​ന്നാ​വും. റോ​ഡി​ലെ വ​ല​തു വ​ശ​ത്തെ പാ​ത​യി​ലൂ​ടെ അ​ല്ലാ​തെ ബൈ​ക്ക് ഓ​ടി​ച്ചാ​ൽ പി​ഴ ചു​മ​ത്തു​മെ​ന്ന് ആ​ഭ്യ​ന്ത​ര മ​ന്ത്രാ​ല​യം ക​ഴി​ഞ്ഞ ദി​വ​സം അ​റി​യി​ച്ചു. നി​യ​മം ലം​ഘി​ക്കു​ന്ന​വ​ർ​ക്കെ​തി​രെ ജ​നു​വ​രി 15 മു​ത​ൽ പി​ഴ ഈ​ടാ​ക്കുന്നതാണ്. ഗ​താ​ഗ​ത സു​ര​ക്ഷ വ​ർ​ധി​പ്പി​ക്കാ​നും റോ​ഡ് അ​പ​ക​ട​ങ്ങ​ൾ കു​റ​ക്കാ​നു​മാ​ണ് ബൈ​ക്ക് യാ​ത്ര​ക്കാർ വ​ല​തു ട്രാ​ക്കിലൂടെ ഓടിക്കണമെന്ന മുന്നറിയിപ്പ് അ​ധി​കൃ​ത​ർ നൽകിയത്. ​പ്ര​ധാ​ന റോ​ഡു​ക​ളി​ൽ വേ​ഗം കു​റ​ഞ്ഞ വാ​ഹ​ന​ങ്ങ​ൾ​ക്ക് പോ​കാ​നാ​ണ് വ​ല​തു വ​ശ​ത്തെ പാ​ത. ഇ​തു​വ​ഴി മാ​ത്ര​മേ ഇ​നി മു​ത​ൽ യാ​ത്ര ചെ​യ്യാ​വൂ എ​ന്ന് മ​ന്ത്രാ​ല​യം പു​റ​പ്പെ​ടു​വി​ച്ച നി​ർ​ദേ​ശ​ത്തി​ൽ വ്യ​ക്ത​മാ​ക്കു​ന്നു. നാ​ലും ആ​റും ലൈ​ൻ പാ​ത​ക​ൾ അ​തി​വേ​ഗ വാ​ഹ​ന​ങ്ങ​ളു​ടേ​താ​ണ് ബൈ​ക്ക് യാ​ത്രി​ക​രും സ​ഞ്ച​രി​ക്കു​ന്ന​ത് അ​പ​ക​ട​ത്തി​നി​ട​യാ​ക്കു​ന്ന​താ​യി പ​രാ​തി​ക​ൾ ഏ​റെ​യാ​ണ്. ഇ​ത് നി​യ​ന്ത്രി​ക്കു​ന്ന​തി​ന്റെ ഭാ​ഗ​മാ​യാ​ണ് ബൈ​ക്കു​കാ​ർ​ക്ക് വ​ല​തു ട്രാ​ക്ക് നി​ർ​ബ​ന്ധ​മാ​ക്കി​യ​ത്. ബൈ​ക്കു​ക​ൾ മു​ന്നി​ലു​ള്ള വാ​ഹ​ന​ങ്ങ​ളെ മ​റി​ക​ട​ക്കു​ക​യോ, നി​ശ്ചി​ത വേ​ഗ​പ​രി​ധി ലം​ഘി​ക്കു​ക​യോ ചെ​യ്യ​രു​ത്. ഹെ​ൽ​മെ​റ്റ് ധ​രി​ക്കു​ക​യും ചി​ൻ​സ്ട്രാ​പ്പ് മു​റു​ക്കു​ക​യും ചെ​യ്യ​ണം. ​ഡെ​ലി​വ​റി ബോ​ക്സ് ബ​ന്ധി​പ്പി​ക്ക​ണം.