അഹമ്മദാബാദ്: ഗുജറാത്തിലെ സ്വകാര്യ കമ്പനിയിൽ വിഷവാതകം ശ്വസിച്ച് അഞ്ച് പേർക്ക് ദാരുണാന്ത്യം.
ഗുജറാത്ത് കച്ചിൽ ഇമാമി അഗ്രോ ടെക് കമ്പനിയിലെ സംസ്‌കരണ പ്ലാന്റ് വൃത്തിയാക്കുന്നതിനിടെയാണ് വിഷവാതകം ശ്വസിക്കാൻ ഇടയായത്. മരിച്ചവരിൽ ഫാക്ടറി തൊഴിലാളികളും, സൂപ്പര്‍വൈസറും ടാങ്ക് ഓപ്പറേറ്ററും ഉള്‍പ്പെട്ടിട്ടുണ്ട്. ഭക്ഷ്യ എണ്ണയും ബയോ ഡീസലും ഉത്പാദിപ്പിക്കുന്ന കമ്പനിയിൽ ബുധനാഴ്ച പുലര്‍ച്ചെയാണ് സംഭവം.
മാലിന്യ ടാങ്ക് വൃത്തിയാക്കുന്നതിനിടയിൽ വിഷവാതകം ചോരുകയായിരുന്നുവെന്നാണ് റിപ്പോര്‍ട്ട്. ആദ്യം ടാങ്കിലിറങ്ങിയ തൊഴിലാളി ബോധരഹിതനാവുകയും. തുടര്‍ന്ന് രക്ഷാപ്രവര്‍ത്തനത്തിനിറങ്ങിയ നാലു പേരും മരിക്കുകയായിരുന്നു. . ഇവരുടെ മൃതദേഹങ്ങള്‍ പോസ്റ്റ്മോര്‍ട്ടത്തിനായി രാംബാഗ് സര്‍ക്കാര്‍ ആശുപത്രിയിലേക്ക് മാറ്റി. ശാരീരിക ബുദ്ധിമുട്ടുകള്‍ നേരിട്ട മറ്റ് ജീവനക്കാരെ ആശുപത്രിയില്‍ പ്രവേശിപ്പിച്ചിട്ടുണ്ട്. മരിച്ചവരുടെ കുടുംബത്തിന് കമ്പനി 10 ലക്ഷം ധനസഹായം പ്രഖ്യാപിച്ച് കമ്പനി.
ഗുജറാത്തിൽ സംസ്‌കരണ പ്ലാന്റ് വൃത്തിയാക്കുന്നതിനിടെ വിഷവാതകം ശ്വസിച്ച് അഞ്ച് പേർക്ക് ദാരുണാന്ത്യം
