ദോ​ഹ: ഖ​ത്ത​റി​ന്റെ ദേ​ശീ​യ എ​യ​ർ​ലൈ​ൻ ക​മ്പ​നി​യാ​യ ഖ​ത്ത​ർ എ​യ​ർ​വേ​സ് ഒരു മുന്നറിയിപ്പ് പു​റ​ത്തി​റ​ക്കി. ഭൗ​മോ​പ​രി​ത​ല​വും വി​ട്ട്, 35,000 അ​ടി ഉ​യ​ര​ത്തി​ൽ പ​റ​ക്കു​ന്ന ഖ​ത്ത​ർ എ​യ​ർ​വേ​സി​ന്റെ ബോ​യി​ങ് 777 വി​മാ​ന​ത്തി​ൽ​നി​ന്നും ഇ​ലോ​ൺ മ​സ്കി​ന്റെ സ്റ്റാ​ർ​ലി​ങ്കി​ലൂ​ടെ ഇ​ന്റ​ർ​നെ​റ്റ് വൈ​ഫൈ ബ​ന്ധം സ്ഥാ​പി​ക്കും എന്ന വാർത്ത. ദോ​ഹ​യി​ൽ​നി​ന്നും ല​ണ്ട​നി​ലേ​ക്ക് പാ​ഞ്ഞ വി​മാ​ന​ത്തി​ൽ ച​രി​ത്ര മു​ഹൂ​ർ​ത്ത​ത്തി​ന് സാ​ക്ഷി​യാ​യി ഖ​ത്ത​ർ എ​യ​ർ​വേ​സ് സി.​ഇ.​ഒ ബ​ദ​ർ മു​ഹ​മ്മ​ദ് അ​ൽ മീ​റും ഖ​ത്ത​ർ ടൂ​റി​സം ചെ​യ​ർ​മാ​ൻ സ​അ​ദ് ബി​ൻ അ​ലി ഖ​ർ​ജി​യും ഒ​പ്പം ന്യൂ​യോ​ർ​ക്കി​ലെ വീ​ട്ടി​ൽ​നി​ന്നും ഇ​ലോ​ൺ മ​സ്കും ത​ത്സ​മ​യം പ​ങ്കു​ചേ​ർ​ന്നു. മ​വ​രും സം​സാ​രി​ക്കു​ന്ന വി​ഡി​യോ കൂ​ടി പ​ങ്കു​വെ​ച്ചു​കൊ​ണ്ടാ​യി​രു​ന്നു ഖ​ത്ത​ർ എ​യ​ർ​വേ​സ് ത​ങ്ങ​ളു​ടെ ച​രി​ത്ര​നേ​ട്ടം പ​ങ്കു​വെ​ച്ച വാ​ർ​ത്ത​ക്കു​റി​പ്പ് ആ​കാ​ശ ഉ​യ​ര​ത്തി​ൽ​നി​ന്നും പു​റ​ത്തു വി​ട്ട​ത്. ഈ ​വ​ർ​ഷം ആ​ദ്യം ന​ട​ത്തി​യ പ്ര​ഖ്യാ​പ​ന​ത്തി​നു പി​റ​കെ​യാ​ണ് ഖ​ത്ത​ർ എ​യ​ർ​വേ​സ് വി​മാ​ന​ങ്ങ​ളി​ൽ വൈ​ഫൈ സേ​വ​നം ല​ഭ്യ​മാ​ക്കി​ത്തു​ട​ങ്ങി​യ​ത്. പ്ര​ത്യേ​കം ത​യാ​റാ​ക്കി​യാ​ണ് ബോ​യി​ങ് വി​മാ​ന​ങ്ങ​ൾ സ്റ്റാ​ർ​ലി​ങ്കു​മാ​യി ബ​ന്ധി​പ്പി​ച്ച് ആ​കാ​ശ​ത്തി​ലും ഇ​ന്റ​ർ​​നെ​റ്റ് സേ​വ​നം ന​ൽ​കു​ന്ന​ത്. ബോ​യി​ങ് 777 മൂ​ന്ന് വി​മാ​ന​ങ്ങ​ളി​ലാ​ണ് നി​ല​വി​ൽ സ്റ്റാ​ർ​ലി​ങ്ക് വൈ​ഫൈ സേ​വ​ന​മു​ള്ള​ത്. ഈ ​വ​ർ​ഷം അ​വ​സാ​ന​ത്തോ​ടെ ഇ​ത് 12 വി​മാ​ന​ങ്ങ​ളി​ൽ ല​ഭ്യ​മാ​കും. അ​ടു​ത്ത​വ​ർ​ഷം അ​വ​സാ​ന​ത്തോ​ടെ ഖ​ത്ത​ർ എ​യ​ർ​വേ​സി​ന്റെ മു​ഴു​വ​ൻ ബോ​യി​ങ് 777 വി​മാ​ന​ങ്ങ​ളി​ലും ല​ഭ്യ​മാ​കും. എ​യ​ർ​ബ​സ് എ350 ​വി​മാ​ന​ങ്ങ​ൾ അ​ടു​ത്ത​വ​ർ​ഷം വേ​ന​ൽ​കാ​ല​ത്തി​ന് മു​മ്പ് വൈ​ഫൈ ശൃം​ഖ​ല​യി​ലേ​ക്ക് മാ​റുമെന്നാണ് റിപ്പോർട്ട്.