കാണ്‍പൂര്‍ ഐഐടിയില്‍ വിദ്യാര്‍ഥി ആത്മഹത്യ ചെയ്തു. 28 വയസ്സുള്ള പിഎച്ച്ഡി വിദ്യാര്‍ഥിയാണ് തൂങ്ങിമരിച്ചത്. ക്യാമ്പസില്‍ കഴിഞ്ഞ ഒരു വര്‍ഷത്തിനിടെയുള്ള നാലാമത്തെ വിദ്യാര്‍ഥി ആത്മഹത്യയാണിത്. എര്‍ത്ത് സയന്‍സില്‍ ഗവേഷണം ചെയ്യുന്ന പ്രഗതി ഖര്യയാണ് മരിച്ചത്. കാണ്‍പൂര്‍ സാനിഗവാന്‍ സ്വദേശിനിയാണ്. നാലാം ഹാളിലെ ഡി-116 റൂമില്‍ തൂങ്ങിമരിച്ച നിലയില്‍ കാണുകയായിരുന്നു. മരണകാരണം വ്യക്തമല്ല. വ്യാഴാഴ്ച ഉച്ചയ്ക്കാണ് മരണവിവരം അധികൃതര്‍ അറിഞ്ഞത്. 2021 ഡിസംബറിലാണ് ഇവര്‍ പിഎച്ച്ഡിക്ക് ചേര്‍ന്നത്. പൊലീസ് സ്ഥലത്തെത്തി നടപടികള്‍ സ്വീകരിച്ചു.ആത്മഹത്യയുമായി ബന്ധപ്പെട്ട് അന്വേഷണം നടന്ന് കൊണ്ടിരിക്കുകയാണ്
ഐഐടിയില്‍ വീണ്ടും വിദ്യാര്‍ഥി ആത്മഹത്യ; മരണകാരണം വ്യക്തമല്ല
